Crónica dun peregrino singular (Galego)
Este libro é un intento de pensar o Camiño de Santiago desde unha perspectiva interdisciplinar e actual, sempre rigorosa, escrito con vocación de chegar ao gran público. O primeiro exemplar de Crónica dun peregrino singular, na súa versión inicial en castelán, foi para o Rei de España, Felipe VI, que presidiu o I Congreso Mundial Xacobeo.
"¡Ah!, pero si tamén escribe Marcelino Oreja...", dixo Felipe VI en Santiago de Compostela ao ter nas súas mans o libro Crónica dun peregrino singular, segundo relatou en Logroño o xornalista e editor de Mundiario José Luis Gómez durante a presentación desta obra de Mundiediciones nas I Xornadas sobre Literatura Peregrina celebradas do 26 ao 28 de xullo de 2021, organizadas polo Instituto de Estudios Riojanos e coordinadas polo profesor e escritor David Felipe Arranz.
Ao acto de presentación en Logroño asistiron, entre outras personalidades da cultura española, os exministros César Antonio Molina e Manuel Pimentel, o gerente do Instituto de Estudios Riojanos, Diego Iturriaga, e o presidente do Ateneo Riojano, Jesús Murillo Sagredo. Un exemplar do libro, dedicado polo presidente da Academia Xacobea, Xesús Palmou, e o editor José Luis Gómez, forma xa parte da histórica biblioteca do Ateneo Riojano.
O libro, como recordou José Luis Gómez na súa presentación, está aderezado por uns interludios ficcionais que corren a cargo do académico e escritor Ulises Bértolo, nos que un peregrino vai facendo o Camiño Francés. "Estamos, pois, ante un peregrino anónimo que podemos ver evocado na portada deste libro, cuxo deseño correu a cargo de Antonio Sangiao e no que o debuxo do peregrino é obra do artista FrAn LaREo", destacou o editor de Mundiediciones.
A través dos distintos capítulos da obra ponse de manifesto que o Camiño de Santiago, xunto coa cultura grecorromana, o dereito romano e o cristianismo, constitúen o crisol da cultura que hoxe impulsa a consolidación política, económica e social da Unión Europea.
Marcelino Agís, Jesús de Juana, José Manuel García Iglesias, José Eduardo López Pereira, María Josefa Sanz, Gregoria Cavero, Agustín Dosil Maceira, Xosé Fernández Lago, María Teresa Carballeira, Marcelino Oreja Aguirre –foi ministro de Exteriores durante os gobernos de Adolfo Suárez–, Víctor Manuel Vázquez Portomeñe, Eriko Terâo, Justino Rodríguez, Ulises Bértolo e Xesús Palmou son os seus autores. Todos eles son académicos da Academia Xacobea e profesores de Universidade ou doutores. Moitos tamén son columnistas do xornal Mundiario, en cuxo seo naceu Mundiediciones.
En 2021, ademais do I Congreso Mundial, a Academia Xacobea –"inspirada por José Luis Gómez e a editorial Mundiediciones", dixo o seu presidente, Xesús Palmou–, elaborou o libro Crónica dun peregrino singular, da autoría de 15 académicos, e que recolle en 13 capítulos importantes aspectos da peregrinación, como son: A esencia das peregrinacións; A cidade de Compostela; A arte nos Camiños de Santiago; A orixe da tradición e fenómeno Xacobeo; O hospedaxe e alimentación dos peregrinos; Pisadas milenarias da peregrinación; A espiritualidade na peregrinación; A seguridade no Camiño; O Camiño visto desde Xapón; O relanzamento do Camiño na actualidade; Protección cultural, ambiental e paisaxística do Camiño de Santiago; O Camiño de Santiago como Primeiro itinerario cultural europeo, e O Camiño por andar. @mundiediciones
Detalles del producto
ASIN: B09GJKKNX9
Idioma: Galego
Tapa blanda: 336 páginas
ISBN-13: 979-8477108541
